[HK]樂基兒唔介意Leon大肚腩

頸鏈　$30,250,000 耳環　$7,445,000 戒指　$4,115,000 【東方日報專訊】

樂基兒唔介意Leon大肚腩 2008-05-23

【東方日報專訊】樂基兒（Gaile）前晚首次穿婚紗行騷，因該襲腰圍廿二吋的婚紗令她的身形變幻莫測，一時離罩一時又見波濤洶湧，對於男友黎明（Leon）近年身形發福，Gaile情人眼裏出西施的說：「變大肥佬都冇所謂，只要係佢就得！」

前晚Gaile和陳嘉容（Eunis）為珠寶首飾品牌Van Cleef & Arpels，穿上由法國訂造服設計師Eymeric Francois設計的婚紗，示範總值超過四千萬港元的首飾，單是頸鏈已超過三千萬港元，Gaile更直言是首次穿婚紗行騷。

束腰緊到見暈

據大會表示該批婚紗的腰圍只有廿二吋，Gaile是否同樣只得廿二吋纖腰？她說：「冇度過唔清楚喎，都唔恨有（廿二吋腰），驚身體其他部分襯唔到。」 Gaile身穿這襲婚紗雖令身材忽大忽小，但幾乎要靚唔要命！Gaile說穿前要深呼吸才可把拉鏈拉上，訪問後更不禁說：「真係有少少頭暈！」

講起黎明甜笑

清減了的Gaile，不知道自己有否消瘦，又說Leon也沒有評論她是肥是瘦，對於Leon近年身形發福，是否Gaile入廚弄美食所致？她甜笑的說：「我諗唔係。（咁介唔介意佢有大肚腩或變大肥佬？）唔會介意，大肥佬都冇所謂，只要係佢就得。」她又說沒有想過結婚穿婚紗，但肯定不會穿中式裙褂。

文：名人組